Þann 5. ágúst nk. hefjast á ný sumarnámskeiðin okkar eftir sumarfrí. Námskeiðin eru viku í senn, frá mánudegi til föstudags, klukkan 13.00-17.00. Dagsetningarnar sem eru í boði í ágúst eru annars vegar 5-8 ágúst (fjögurra daga námskeið) og 11-15 ágúst. Myndir af námskeiðum júnímánaðar eru á myndasíðu barnstarfsins. […]
Annars vegar græðgi - en hins vegar opin vitund. Annars vegar ótrúlegur afli til dauða - en hins vegar ótrúlegur afli til lífs. Tvær mokveiðisögur, en hvað svo? Prédikun sr. Sigurðar Árna 22. júní 2008 er handan þessarar smellu.
Á mánudag komu glaðbeittir krakkar á sumarnámskeiði í Undralandi, frístundaheimilis Grandaskóla, í heimsókn í kirkjuna. Krakkarnir fengu að fara í ratleik um umhverfi kirkjunnar og eftir að honum lauk var slegið upp veislu í blíðviðrinu. Sólarmyndir af glöðum Undralandskrökkum er að finna á myndasíðunni.
Mokveiði og ofgnótt verða umræðuefni í messuprédikuninni 22. júní. Félagar úr Kór Neskirkju leiða safnaðarsöng. Organisti Steingrímur Þórhallsson. Meðhjálpari Rúnar Reynisson. Messuþjónar Auður Styrkársdóttir, Svanur Kristjánsson og Kári Svansson. Sr. Sigurður Árni Þórðarson prédikar og þjónar fyrir altari. Eftir messu verður nóg kaffi framreitt á Torginu. Verið velkomin.
Fyrra sumarnámskeiði júnímánaðar lauk nú á föstudaginn með sveitaferð en hópurinn heimsótti Hraðastaði í mosfellssveit og fékk að mæta þar dýrum af öllum stærðum. Fjölmargir af fyrra námskeiðinu skiluðu sér á námskeið II sem hófst í þessari viku. Hópur heimsótti í gær sjóminjasafn við Granda og fékk að fara um borð í varðskipið Óðinn. Á [...]
Út af með dómarann! Um dóma, bjálka og flís. Dag hvern eru kveðnir upp dómar fyrir dómstólum. Svo erum við öll dómarar og erum sídæmandi. Hvernig eigum við að dæma? Hvað megum við dæma? Hver dæmir okkur? Um þetta verður leitast við að fjalla í prédikun dagsins. Í messunni leiða félagar úr kór Neskirkju safnaðarsöng. [...]
Leikjanámskeiðin í Neskirkju eru hafin og er hress hópur af krökkum mættur til leiks á fyrsta námskeiðið. Námskeiðin eru viku í senn frá mánudegi til föstudags, klukkan 1317. Á námskeiðunum gefst börnunum kostur á að kynnast kirkjunni og boðskap hennar í leik og starfi, auk þess að öðlast dýrmæt tengsl við nýja félaga. Fyrstu myndir [...]
Í messunni 8. júní verður íhugunarefnið Jesúsagan um týnda sauðinn og prédikarinn verður Rúnar Reynisson. Félagar úr Kór Neskirkju munu leiða safnaðarsöng undir stjórn organistans Sigrúnar Steingrímsdóttur. Meðhjálpari Úrsúla Árnadóttir og sr. Sigurður Árni Þórðarson mun þjóna fyrir altari. Veitingar á Torginu eftir messu. Messan hefst kl. 11, allir eru velkomnir, líka þau týndu.
Fjölmörg börn eru skráð til leiks á sumarnámskeið okkar og enn eru örfá sæti laus. Námskeiðið hefst á mánudaginn 9. kl 13. Nánari upplýsingar hér.
Alla miðvikudaga eru bænamessur í Neskirkju. Þær hefjast kl. 12:15 með ritingarlestri og íhugun. Eftir bænir er síðan altarisganga. Hægt er að koma fyrirbænum til prestanna eða starfsfólks kirkjunnar. Allir velkomnir.