K
ór Neskirkju er safnaðarkór. Meginverkefni kórsins eru að leiða safnaðarsöng í Neskirkju og að miðla margs konar tónlist við kirkjuathafnir og á tónleikum. Kórinn er áhugamannakór sem hefur vaxið og þroskast á undanförnum árum. Verkefnaskrá síðustu ára endurspeglar metnað og fjölbreytni.
Kórinn er samansettur af áhugasömum og söngelskum einstaklingum úr sókninni og fá meðlimir hans söngþjálfun innan vébanda kórsins. Hann æfir á mánudögum klukkan 19:00 til 22:00. Kórinn getur alltaf bætt við sig efnilegu og áhugasömu söngfólki og fást allar upplýsingar hjá nýjum stjórnanda kórsins Søren Gaardsted Frandsen frannefrandsen@hotmail.dk
Stjórn og skipulag
Stjórn Kórs Neskirkju er kosin á aðalfundi og stýrir hún öllum málefnum félagsins og gætir hagsmuna þess á grundvelli samþykkta kórsins í samvinnu við kórstjóra. Stjórn er skipuð 5 félagsmönnum; formanni, ritara, gjaldkera og 2 meðstjórnendum. Aðalfundur kósins er í mars á hverju ári. Raddformenn eru kosnir á aðalfundi.