Messa og sunnudagaskóli kl. 11. Sr. Steinunn Arnþrúður Björnsdóttir predikar og þjónar fyrir altari. Hljómur, kór eldri borgara í Neskirkju, syngur og leiðir söng undir stjórn Hildigunnar Einarsdóttur. Organisti er Steingrímur Þórhallsson. Texta dagsins má finna á vef Þjóðkirkjunnar.
Sunnudagaskólinn verður í umsjá Stefaníu Steinsdóttur, Katrínar H. Ágústsdóttur og Ara Agnarssonar. Rebbi og Vaka kíkja við og það verður sungið og leikið.
Hressing og spjall á kaffitorgi eftir helgihaldið að venju.
Fermingarbörn eru hvött til að skoða verkefni októbermánaðar í heftinu sínu hafi þau ekki þegar gert það. Gott er að svara þeim spurningum sem hægt er heima og ljúka því svo á kaffitorginu. Þar verður starfsfólk sem aðstoðar.