Við ætlum að fagna sumarkomunni með bjartsýnisbusli í Vesturbæjarlaug kl. 10 n.k. fimmtudag, 19. apríl - sumardaginn fyrsta. Söngur, leikir og busl. Frábær fjölskylduskemmtun. Athugið að það verður frítt í sundlaugina frá kl. 9.-11.
Krossgötur þriðjudaginn 17. apríl kl. 13.00. Guðrún Bergmann, rithöfundur: Góð heilsa gulli betri: Betri lífsgæði á efri árum. Kaffiveitingar. Í hádeginu er boðið upp á súpu og brauð gegn vægu verði.
Messa og barnastarf kl. 11. Sameiginlegt upphaf. Háskólakórinn syngur. Organisti Gunnsteinn Ólafsson. Prestur sr. Skúli S. Ólafsson. Gleði og gaman í sunnudagskólanum. Umsjón Katrín, Yrja, Heba og Ari. Samfélag og kaffisopi á Torginu eftir messu.
Miðvikudaginn 18. apríl kl. 20. mun Kór Neskirkju fagnar vori með frumflutningi á nýju kórverki í tólf þáttum eftir Steingrím Þórhallsson, stjórnanda kórsins. Verkið Harpa kveður dyra – Tólf blik og tónar er ofið úr tólf ljóðum Snorra Hjartarsonar. Flutningur hvers þáttar hefst á ljóðalestri. Flytjendur eru Kór Neskirkju og Gunnar Þorsteinsson, þýðandi og þulur og stjórnandi Steingrímur [...]
Krossgötur þriðjudaginn 10. apríl kl. 13.00. Skákfélagið Hrókurinn hefur staðið fyrir skákkennslu í afskekktum byggðum Grænlands. Forvígismaður er Hrafn Jökulsson sem hefur heimsótt afskekkt þorpi á Grænlands. Hann mun segja frá því í máli og myndum.
Laugardaginn 7. apríl verður hlaupið frá Neskirkju eftir sóknarmörkum Nessóknar en þau liggja um Hringbraut í norðri, Suðurgötu í austri og mæri Reykjavíkur og Seltjarnarness í vestri, auk suðurstrandarinnar. Lagt verður af stað kl. 10. Eftir hlaupið verður boðið upp á léttar veitingar :)
Messa og sunnudagaskóli klukkan 11. Kór Neskirkju syngur og leiðir söng í messunni undir stjórn Steingríms Þórhallssonar organista. Vor og sumarsálmar. Prestur er sr. Steinunn Arnþrúður Björnsdóttir. Sunnudagaskólinn er í umsjá sr. Ásu Laufeyjar Sæmundsdóttur. Undirleikari er Ari Agnarsson. Söngur og gleði og góðir gestir. Hressing og samfélag á kirkjutorginu að stundunum loknum.
Á föstudeginum langa, 30. mars kl. 11:00 verður guðsþjónusta þar sem píslarsagan verður lesin og hugleidd í tali og tónum. Að henni lokinni ræðir dr. Halldór Björn Runólfsson sýningu Kees Visser, Crux. Prestur er sr. Skúli S. Ólafsson og Kór Neskirkju syngur undir stjórn Steingríms Þórhallssonar.
Á skírdag, fimmtudaginn 29. mars kl. 18.00 verður öðruvísi messa í tilefni dagsins. Fólki boðið að setjast að borðum þar sem brauði og víni verður útdeilt og almennt borðhald fer fram. Þau sem geta, eru hvött til að leggja eitthvað til máltíðarinnar. Prestur er sr. Skúli S. Ólafsson. Kór Neskirkju syngur undir stjórn Steingríms Þórhallssonar organista.
Dr. Skúli S. Ólafsson flytur erindi um sögur Biblíunnar af fórnum. Sumar þessara frásagna eru réttnefndar hrollvekjur og kalla fram sterkar tilfinningar og spurningar. Fyrsta kvöldið verður 20. mars kl. 20. Fjallað verður um fórnir í sköpunarsögum; Frá óskapnaði til sköpunar, Kain og Abel; Fórnaði milku og fékk ekki neitt, Ísak og Abraham; Að fórna [...]