Sunnudaginn 7. desember kl. 17.00 verða jólatónleikar Kórs Neskirkju í kirkjunni. Einsöngvari á tónleikanum er Gissur Páll Gissurarsson tenór. Undirleikari Magnús Ragnarson og stjórnandi Steingrímur Þórhallsson, organisti Neskirkju. Á efnisskránni eru jólalög og sálmar úr ýmsum áttum. Miðaverð kr. 1.500 en 1.000 kr í forsölu á skrifstofu Neskirkju. […]
Barnastarf Neskirkju er í óða önn að undirbúa jólin og í þessari viku fengu flestir hópar að skreyta piparkökur. Fæstar kökurnar skiluðu sér þó heim þar sem krakkarnir máttu gæða sér á glassúrhúðuðum listaverkunum í lok stundar. Myndir eru komnar á aðventusíðu barnastarfsins.
Undraland, frístundaheimili Grandaskóla, kom í aðventuheimsókn í kirkjuna í gær 02. desember. Rúta á vegum kirkjunnar sótti krakkana í Grandaskóla og safnaðarheimili Neskirkju fengu börnin fræðslu um aðventuna, um jólasálma og heyrðu jólasögu. Að lokinni fræðslu fóru þau öll saman á helgistund í kirkjunni og síðan var börnum og leiðtogum boðið piparkökur og Kakó á [...]
Í Opnu húsi miðvikudaginn 3. desember mun Sigríður Jóhannsdóttir veflistakona flytja fyrirlestur um kirkjuskrúða Leifs Breiðfjörðs og Sigríðar Jóhannsdóttur: Nýtt byggt á því sem fyrir er - og sýnir myndir til skýringar. Opið hús byrjar með kaffiveitingum á Torginu kl. 15.
Fjölskyldumessa kl. 11. Brúður barnastarfsins koma í heimsókn og barnasálmar verða sungnir. Umsjón Sigurvin, María, Andrea og Alexandra. Barnakór Neskirkju syngur undir stjórn Björns Thorarensen. Félagar úr Kór Neskirkju leiða safnaðarsöng. Organisti Steingrímur Þórhallsson. Sr. Sigurður Árni Þórðarson prédikar og þjónar fyrir altari ásamt sr. Erni Bárði Jónssyni. Samfélag á Torginu eftir messu.
Ungmenni úr unglingastarfi Neskirkju heimsóttu æskulýðsfélag Landakirkju síðastliðna helgi og áttu með þeim yndislega helgi. Krakkarnir fengu að spreyta sig á sprangi, fengu leiðsögn um gossvæðið, áttu helgistund í Stafkirkjunni og fengu fræðslu í þremur hlutum um Davíð konung. Mikið var tekið af myndum í ferðinni sem er verið að setja inn á myndasvæði BaUN.
Alla miðvikudaga eru bænamessur í Neskirkju. Þær hefjast kl. 12,15 með ritingarlestri og íhugun. Eftir bænir er síðan altarisganga. Hægt er að koma fyrirbænum til prestanna eða starfsfólks kirkjunnar. Allir velkomnir.
Hvað á að kaupa á barnið fyrir jólin? Kannski föt sem verða notuð örsjaldan? Hvað á að gera við barnaföt, sem eru nær óslitin en barnið er vaxið upp úr þeim? Er ekki hægt koma þeim í umferð að nýju? Er ekki margnýtingin betri en einnýtingin? Jú, nú er komið að því að við notum [...]
Messa og barnastarf kl. 11. Kór Neskirkju syngur og leiðir safnaðarsöng. Organisti Steingrímur Þórhallsson. Sr. Dalla Þórðardóttir prédikar og þjónar fyrir altari ásamt sr. Toshiki Toma. Messuþjónar aðstoða. Börnin byrja í kirkjunni en fara síðan í safnaðarheimilið. Söngur, sögur, brúður, leikir og gaman. Umsjón María, Sunna Dóra, Andrea, Ari og Alexandra. Samfélag á Torginu eftir [...]
Fimmtudaginn 20. nóvember mun hjúkrunarfræðingur frá Heilsugæslunni á Seltjarnarnesi koma og fjalla um fæðu ungbarna. Foreldramorgnar eru alla fimmtudaga milli kl. 10 og 12.