Haraldur Jónsson sýnir í Neskirkju
Sunnudaginn 2. september verður opnuð í safnaðarheimili Neskirkju sýning á innsetningu Haraldar Jónssonar myndlistarmanns sem hann hefur unnið sérstaklega inn í rými kirkjunnar. […]
Messa 19. ágúst
Messa kl. 11. Kór Neskirkju leiðir safnaðarsöng. Organisti Steingrímur Þórhallsson. Sr. Örn Bárður Jónsson prédikar og þjónar fyrir altari ásamt sr. Sigurði Árna Þórðarsyni. Fermingarbörn sem er á námskeiði þessa viku munu ganga til altaris í fyrsta sinn í fylgd sinna nánustu.
Fermingarfræðslan í Neskirkju er að hefjast!
Sumarnámskeið hefst með sameiginlegum fundi fermingarbarna og foreldra þeirra eða forsjármanna í Neskirkju þriðjudaginn 14. ágúst kl. 20. (Það er ekki of seint að skrá sig á námskeiðið.) Fundað verður í kirkjunni. Þar verður efni og fræðslufyrirkomulag kynnt. Farið verður einnig yfir samvinnu kirkju og heimilis á þessum undirbúningsvetri. Upplýsingar verða afhentar um efni og [...]
Messa 12. ágúst kl. 11
Ungmenni á norrænu ungmennakóramóti munu syngja í messunni. Prestur er Sigurður Árni Þórðarson. Samfélag á Torginu eftir messu. Allir velkomnir í Neskirkju.
22. júlí – messa kl. 11
7. sunnudagur eftir þrenningarhátíð. Aðföng og afgangar, forsjón og fyrirhyggja. Hver er staða okkar í lífinu? Þetta og margt annað verður íhugunarefni dagsins. Séra Örn Bárður Jónsson messar. Vertu velmomin/n. Kaffisopi eftir messu og spjall um lífið.
Sprengjusaga
Tólf tonna hitatankur í kjallara sprakk og húsið var sem rúst á eftir. Loftið yfir hitaklefanum splundraðist og hæðirnar fyrir ofan. Stór hluti þaksins hvarf út í nóttina. Steypuhlutar úr gólfum og veggjum flugu hátt í loft upp og grófust svo í jörðu þar sem þeir komu niður. En hvað um fólkið í húsinu? Hvaðan [...]
Hvaðan kemur mér hjálp?
Messsan sunnudaginn 8. júlí, 2012, hefst kl. 11 að venju. Hið óvenjulega er, að hvorki organisti né kór þjóna í messunni. Messuliðirnir eru hefðbundnir en í stað tóns og undirleiks verða messuliðir lesnir. Prédikun verður á sínum stað og altarisgangan sömuleiðis. Prestur er Sigurður Árni Þórðarson. Eftir messu verður kaffi á Torginu. Messur í Neskirkju [...]
Hvernig er sjónin?
Það skiptir máli hvernig við kjósum, hvernig stjórnmálamenn, hvernig forseta, áhrifavalda og kennimenn. Við eigum að temja okkur andlegt hreinlæti og sjá Guð í öllu fólki. Prédikun 1. júlí fjallaði um lífsleikni. Texti og hljóðskrá einnig eru að baki þessari smellu.
Messa 1. júlí
Messa kl. 11. Félagar úr Kór Neskirkju leiða safnaðarsöng. Organisti Steingrímur Þórhallsson. Sr. Sigurður Árni Þórðarson prédikar og þjónar fyrir altari. Kaffiveitingar á Torginu að messu lokinni. Allir velkomnir.
Sólarhátíð og heimsljósið
Döggin prédikar. Fuglakórar syngja í hinni miklu dómkirkju sköpunarverksins. Tré breiða út lauffingur sína mót himinhvelfingu og barrfingur beina sjónum í hæðir. Blærinn hvíslar miskunnarbænir og golan syngur sálma í kvistinum. Messa Jóhannesar minnir á Jesú og jólin – en hvernig? Prédikun Sigurðar Árna á Jónsmessu, 24. júní, er að baki þessari smellu. Þar er [...]