Síðasta mánudagskvöld hvers mánaðar kl 20 er opið hús í kjallara Neskirkju fyrir áhugafólk um prjónskap og handavinnu. Prjónahópur Neskirkju og er opinn hópur og allir velkomnir. Hellt er upp á kaffi og stundum koma einhverjir með meðlæti en aðaláherslan er á handavinnu og spjall. Umsjón með samverunum hafa Alfa Kristjánsdóttir og Jóhanna Elín Guðmundsdóttir. [...]
Fjölskylduguðsþjónusta kl. 11. Barnakórar Neskirkju syngja undir stjórn Þórdísar Sævarsdóttur. Þema dagsins er Hver er mestur og hvernig verður maður mestur? Það verður skoðað á ýmsan hátt. Léttir og líflegir söngvar við undirleik Steingríms Þórhallssonar. Jónína Ólafsdóttir guðfræðingur og sr. Steinunn Arnþrúður Björnsdóttir leiða stundina. Létt hressing og samfélag á Kaffitorginu eftir guðsþjónustuna.
Krossgötur þriðjudaginn 23. október kl. 13.00 Dr. Sigurveig H. Sigurðardóttir, félagsráðgjafi, dósent í félagsráðgjöf, Háskóla Íslands fjallar um að eldast á Íslandi, áhrif langlífis á einstaklinga, fjölskyldur og samfélag. Í hádeginu, eða kl. 12.10, verður boðið upp á bænastundir og íhugun í kirkjuskipinu. Einnig má í hádeginu má kaupa máltíð á hagstæðu verði.
Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisi Steingrímur Þórhallsson. Prestur sr. Skúli S. Ólafsson. Söngur, söngur og gleði í barnastarfinu. Umsjón sr. Steinunn Arnþrúður, Katrín Helga og Ari. Samfélag og kaffisopi á Torginu eftir messu.
Á Krossgötur þriðjudaginn 16. október kl. 13.00 kemur Heimir Janusarson, kirkjugarðsvörður í Hólavallakirkjugarði í heimsókn. Hann fjallar um spænsku veikina sem geysaði hér árið 1918 og segir ýmsar sögur sem lýsa tíðarandanum um það leyti og því ástandi sem leiddi meðal annars til þess að stækka þurfti garðinn. Kaffiveitingar.
Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisti Steingrímur Þórhallsson. Prestur sr. Skúli S. Ólafsson. Söngur, sögur og gleði í barnastarfinu. Umsjón Katrín, Heba og Ari. Samfélag og kaffisopi á Torginu eftir messu.
Krossgötur þriðjudaginn 9. október. Guðbjörn Sigurmundsson, kennari, fjallar um ættjarðarlög Íslendinga. Kaffiveitingar og söngur. Í hádeginu, eða kl. 12.10, verður boðið upp á bænastundir og íhugun í kirkjuskipinu. Einnig má í hádeginu má kaupa máltíð á hagstæðu verði.
Uppskerumessa 7. október kl. 11. Messan er helguð gjöfum jarðar. Þakkir færðar í tali og tónum. Sunnudagaskólinn á sama tíma. Kór Neskirku syngur. Organisti Steingrímur Þórhallsson. Prestur sr. Skúli S. Ólafsson. Söngur, sögur og gleði í barnastarfinu. Umsjón Katrín, Heba og Ari. Grænmetissúpa úr aldingarði organistans í boði eftir messu ásamt góðu samfélagi!
Fimmtudaginn 4. október kl. 18 hefst dagskrárröð í Neskirkju sem gengur undir nafninu, Skammdegisbirta. Kvöldið hefst á höfugum Bachtónum sem Steingrímur Þórhallsson töfrar fram úr orgelinu. Steingrímur kynnir tónlistina og tónskáldið. Gestir ganga svo að borðum þar sem matarmikil súpa er borin fram. Eftir skvaldur og skraf ræðir sr. Arna Ýrr Sigurðardóttir, draumaprestur, um þetta [...]
Krossgötur 2. október kl. 13.00. Kjartan Jónsson, sóknarprestur í Ástjarnarkirkju og kristniboði fjallar um Afríku í máli og myndum. Kaffiveitingar og samsöngur. Í hádeginu, eða kl. 12.10, er boðið upp á bænastundir og íhugun í kirkjuskipinu. Einnig er í hádeginu hægt að kaupa máltíð á hagstæðu verði.