Fréttir

Krossgötur miðvikudaginn 12. mars kl. 13.30. Sigríður Ólafsdóttir, lífefnafræðingur. Hvað er lífefnafræði? Frumkvöðlastarf, fyrirtækjarekstur, nýsköpun. Þjóðfélagsmál, strjónmál. Kaffiveitingar.

Messa og barnastarf kl. 11. Félagar úr Kór Neskirkju leiða safnaðarsöng. Organisti Steingrímur Þórhallsson. Messuþjónar aðstoða. Sr. Örn Bárður Jónsson prédikar og þjónar fyrir altari. Söngur, sögur, brúður, leikir og gleði í barnastarfinu. Umsjón Ása Laufey, Katrín og Ari. Samfélag og léttar veitingar á Torginu eftir messu.

Við byrjum föstudaginn 7. mars og höldum áfram til 11. apríl, sem sagt 6 föstudaga af 7 á sjöviknaföstu! Sjá nánar hér:

Miðvikudaginn 5. mars verður boðið upp á grænmetissúpu (kókosmjólk, paprika, brokkolí, hvítkál, gulrætur, sætarkartöflur, laukur og hvítlaukur) í hádeginu á Kaffitorginu. Verð fyrir súpu og brauð er 900 kr. Kaffitorg Neskirkju býður upp á gæða súpur í hádeginu alla virka daga.

Langar þig að taka þátt í æfintýri? Það er spurningin á krossgötum Neskirkju, miðvikudaginn 5. mars. Þórey Dögg Jónsdóttir, framkvæmdastjóri Elli-málaráðs og orlofsbúðastjóri, kemur í heimsókn og segir frá Löngumýri, sýnir myndir og lætur nokkrar skemmtisögur flakka.

Fjölskylduguðsþjónusta kl. 11. Barnakór og stúlknakór Neskirkju syngja undir stjórn Jóhönnu Halldórsdóttur og Steingríms Þórhallssonar organista: Unglingar úr æskulýðsfélaginu NeDó þjóna. Prestur dr. Sigurður Árni Þórðarson. Samfélag og kaffisopi á Torginu eftir messu.

Krossgötur miðvikudaginn 26. febrúar kl. 13.30. Gylfi Dalmann Aðalsteinsson er formaður KR. Hann mun ræða hlutverk íþrótta, stöðu KR í Vesturbænum, íþróttamenn sem fyrirmynd o.fl. Kaffiveitingar.

Prestur Neskirkju í 40 ár, sr. Frank M Halldórsson, verður áttræður sunnudaginn 23. febrúar. Það er biblíudagurinn í íslensku þjóðkirkjunni. Sr. Frank mun prédika í messunni í Neskirkju, sem hefst kl. 11 á sama tíma og barnastarfið. Steingrímur Þórhallsson stjórnar söng og félagar úr kór Neskirkju syngja. Dr. Sigurður Árni Þórðarson þjónar fyrir altari. Í [...]

Krossgötur miðvikudaginn 19. febrúar kl. 13.30. Gísli Sigurðsson, prófessor, talar um hve lestur okkar á fornsögum er háður þeim fyrirframhugmyndum sem við höfum um uppruna þeirra og menningarumhverfi. Hann tekur dæmi af gelískum áhrifum á íslenska menningu, valdabaráttu kirkju og veraldlegra lögsögumanna um yfirráð yfir lögunum, heimsmynd goðafræðinnar, einstökum Íslendingasögum og uppfinningu Snorra Sturlusonar að [...]

Næstu hádegistónleikar Steingríms organista sem tileinkaðir eru orgeltónlist Bach verða miðvikudaginn 19. febrúar og hefjast kl. 12.00 (til 12.25). Á dagskrá eru Orgelbuchlein og Leipzig kóralforspilin eða sálmaforleikir (forspil að sálmum) en kóraforspilum Bach eru að flestra mati tónsmíðaleg undur.