Fréttir

Á sunnudag um Verslunarmannahelgi verður að venju messa í Neskirkju kl. 11.00. Kór Neskirkju leiðir söng og prestur er Sigurvin Lárus Jónsson. Í messukaffinu ætlar formaður sóknarnefndar Neskirkju að steikja vöfflur handa þeim sem mæta. Messa er athvarf í annríki helgarinnar.

Skrifstofa Neskirkju er lokuð frá mánudeginum 13. júlí og framyfir verslunarmannahelgi. Prestur á vakt er sr. Sigurvin Lárus Jónsson (s. 692-7217 / sigurvin@neskirkja.is). Messur eru alla sunnudaga kl. 11.00. Gleðilegt sumar

Prédikun sunnudagsins 26. júlí fjallaði um leitina að lífi í geiminum og þær spurningar sem hún vekur um ábyrgð okkar í garð lífríki jarðar. ,,Kristin trú og kennsla Jesú krefur okkur um að líta á heildarmyndina um stöðu mannkyns og boðar að þegar öllu er á botninn hvolft þá erum [...]

Prédikun síðasta sunnudags fjallaði um frelsunarguðfræði Suður-Ameríku og ábyrgð kirkjunnar gagnvart fátækum í heiminum. Kveikjan var gjöf Evo Morales til Frans Páfa en hann færði honum róðu festa á hamar og sigð. Prédikun Sigurvins Lárusar Jónssonar má lesa á vefslóðinni tru.is.

Á sunnudaginn verður messa að venju kl. 11 en Sigurvin Lárus Jónsson er prestur og Steingrímur Þórhallsson organisti. Kór Neskirkju leiðir safnaðarsöng. Athvarf að sumri í kirkjunni þinni.

Miðvikudagskvöldið 3. júní býður Kór Neskirkju til vortónleika í kirkjunni kl. 20.00. Enginn aðgangseyrir er á tónleikana og er öllum velkomið að koma og hlýða á fallega kórtónlist. Tónleikarnir eru haldnir í tilefni af tónleikaferð kórsins til Ítalíu og verður efnisskrá fyrirhugaðra tónleika á Ítalíu flutt. Á efnisskránni kennir margra [...]

Fermingarbæklingur hefur verið sendur í hús til ungmenna sem búa í sókninni og eru skráð í Þjóðkirkjuna. Athugið að öll ungmenni eru velkomin í fermingarfræðslu Neskirkju óháð trúfélagaaðild, trúarafstöðu og búsetu. fermingar2015

Hátíðarmessa á Hvítasunnudag kl. 11. Kór Neskirkju syngur hátíðartón undir stjórn Steingríms Þóhallssonar. Sigurvin Lárus Jónsson prédikar og þjónar fyrir altari. Sigurvin hefur rannsakað visku Guðs í forn-kristnum bókmenntum en sú hugmynd varðar daglegt trúarlíf og kraftinn til að lifa í nýjum lífstakti. Kaffi á Torginu að lokinni messu.

Í dag var haldin uppskeruhátíð sunnudagaskólans. Fjölmargir lögðu leið sína í Neskirkju og hlýddu á Barnakór og Stúlknakór Neskirkju syngja og til að gleðjast með starfsfólki sunnudagaskólans. Í garðinum voru hoppukastalar og pylsugrill fyrir alla sem vildu. Gleðilegt sumar og við hlökkum til nýs skólaárs sem hefst í byrjun september. [...]

Á sunnudaginn verður uppskeruhátíð sunnudagaskólans. Barnakór og Stúlknakór Neskirkju syngja og báðir prestar kirkjunnar þjóna. Að lokinni guðsþjónustu verða grillaðar pylsur í garðinum og hoppukastalar settir upp fyrir börnin. Gleðjumst saman í kirkjunni okkar.Plakat