Afmælisárið

//Afmælisárið
Afmælisárið 2017-10-09T08:48:07+00:00

Legið yfir Lúther

Námskeið í tilefni 500 ára afmæli siðaskiptanna


Þann 31. október næstkomandi eru 500 ár liðin frá atburði sem gerbreytti mannkynsögunni. Þá mótmælti munkurinn Marteinn Lúther aflátssölu kirkjunnar og sagan segir að hann hafi neglt blöð með 95 andmælum á kirkjudyrnar í Wittenberg. Upp frá því hófst atburðarrás sem leiddi til þess að kirkjan klofnaði.

Lúther var merkilegur höfundur. Að sumu leyti var hann byltingarmaður, framsýnn og frumlegur í hugsun. Hann ögraði valdinu og höfðaði fremur til samvisku sinnar en embætta og samþykkta kirkjunnar. Á öðrum sviðum var hann barn síns tíma, fæddur á miðöldum og lifði tíma mikilla átaka. Hann hvatti til ofsókna gegn uppreisnarsinnum úr röðum bænda og sendi frá sér kver þar sem hann formælti gyðingum með afdrifaríkum hætti.

Á okkar dögum tilheyra um 400 milljónir kristinna manna söfnuðum sem kenna sig við guðfræði Lúthers. Þjóðkirkjan á Íslandi er í þessum hópi en þar er vel að merkja ekki litið á þennan áhrifaríka mann sem dýrling. Þvert á móti er gagnrýni og sjálfsmat inngreypt í hugmyndafræði þessara samtaka og er upphafsmaðurinn síður en svo undanskilinn slíku.

Þriðjudagur 10. október kl. 20:00
Gramsað í kolli Lúthers
Hvað var gamalt og hvað var nýtt í þessari guðfræði? Fjallað verður um helstu kenningar hans sem draga má fram í slagorðum siðaskiptanna: Ritningin ein (sola Scriptura), náðin ein (sola Gratia), trúin ein (sola fidei).

Sunnudagur 15. október kl. 14:00
Leikrit um Lúther
Verkið fjallar um æskuár Lúthers og spurt hvers vegna hann setti fram gagnrýni á kaþólsku kirkjuna sem á þeim tíma þótti óhugsandi. Stoppleikhópurinn flytur verkið eftir handriti, í leikgerð og leikstjórn Valgeirs Skagfjörðs og Stoppleikhópsins. Leikritið er ætlað fullorðnum og eldri börnum. Valgeir Skagfjörð, Eggert A. Kaaber og Katrín Þorkelsdóttir fara með hlutverk í sýningunni.

Þriðjudagur 17. október kl. 20:00
Tímar umskipta og átaka
Hver var atburðarrás siðaskiptanna, bæði á meginlandi Evrópu og hér uppi á Íslandi? Hverjir komu þar við sögu og hvað dilk drógu þeir atburðir á eftir sér?

Þriðjudagur 24. október kl. 20:00
500 árum síðar
Hvað er að vera lúthersk? Sagt frá starfi Lútherska heimsambandsins sem er í hópi öflugustu hjálparsamtaka í heimi. Gestur kvöldsins er Magnea Sverrisdóttir sem átti sæti í stjórn sambandsins um árabil.

Þriðjudagur 31. október kl. 20:00
95 hurðir
Siðbótarafmæli í Neskirkju. Gagnrýni og sjálfsrýni á okkar dögum. Opnuð verður sýning Rúnars Reynissonar á 95 íslenskum kirkjuhurðum. Samantekt og umræður.

 

Afmælisárið í Neskirkju er viðburðarríkt. Hér má blaða í gegnum bækling sem útbúinn hefur verið og hefur að geyma yfirlit yfir helstu dagskrá ársins.