Jól og áramót 2018

Aðfangadagur, 24. desember 

Jólastund barnanna kl. 16
Helgistund fyrir börn og fjölskyldur þeirra meðan beðið er eftir jólunum. Barnakórar kirkjunnar syngja undir stjórn Þórdísar Sævarsdóttur. Viðstöddum býðst að taka þátt í að leika jólasöguna og við lifum okkur inn í gleði og hátíð jólanna. Steingrímur Þórhallsson leikur undir söng, Sr. Steinunn Arnþrúður Björnsdóttir leiðir stundina ásamt Rúnar Reynissyni og starfsfólki barnastarfsins.

Aftansöngur kl. 18
Kór Neskirkju syngur undir stjórn Steingríms Þórhallssonar organista. Hátíðartón sr. Bjarna Þorsteinssonar verður flutt. Fjölnir Ólafsson syngur einsöng. Prestar eru sr. Skúli S. Ólafsson og sr. Steinunn Arnþrúður Björnsdóttir sem predikar.

Söngvar á jólanótt kl. 23.30
Sungnir verða jólasálmar og vonartextar Biblíunar lesnir. Háskólakórinn syngur og leiðir söng undir stjórn Gunnsteins Ólafssonar. Sr. Skúli S. Ólafsson leiðir stundina. Þessi samvera færir okkur kyrrð og helgi eftir gleði og glaum kvöldsins.

Jóladagur, 25. desember

Hátíðarmessa kl. 14
Kór Neskirkju og Drengjakór Reykjavíkur syngja undir stjórn Steingríms Þórhallssonar organista. Hátíðartón sr. Bjarna Þorsteinssonar flutt. Prestar eru sr. Steinunn Arnþrúður Björnsdóttir og sr. Skúli S. Ólafsson sem predikar.

Annar í jólum, 26. desember

Fjölskyldustund og jólaball barnastarfsins kl. 11
Helgistund í kirkjunni fyrir alla fjölskylduna. Að henni lokinni hefst jólaball sunnudagaskólans þar sem gengið verður kringum jólatréð og sungið dátt. Góðir gestir kíkja við, gefa börnum jólaglaðning og skemmta ungum sem öldnum. Umsjá hafa prestar og starfsfólk barnastarfsins.

Sunnudagurinn 30. desember

Messa og barnastarf kl. 11
Í messunni verður fylgt einföldu pílagrímshelgihaldi sem byggir á íhugun 23. sálms Davíðs, Drottinn er minn hirðir, um leið og við íhugum liðið ár og horfum fram til þess næsta. Prestur er sr. Steinunn Arnþrúður Björnsdóttir. Við orgelið er Steingrímur Þórhallson. Barnastarfið er í umsjá Katrínar Helgu Ágústsdóttur og Ara Agnarssonar. Að venju verður hressing á kirkjutorginu eftir helgihaldið. 

Gamlárskvöld, 31. desember

Aftansöngur kl. 18.
Félagar úr kór Neskirkju syngja undir stjórn Steingríms Þórhallssonar organista. Hátíðartón sr. Bjarna Þorsteinssonar flutt. Prestur er sr. Steinunn Arnþrúður Björnsdóttir.

Nýársdagur, 1. janúar 

Hátíðarguðsþjónusta kl. 14
Kór Neskirkju syngur undir stjórn Steingríms Þórhallssonar organista. Hátíðartón sr. Bjarna Þorsteinssonar flutt. Prestur er sr. Skúli S. Ólafsson.