Á Allra heilagra messu, þann 6. nóvember, flytur Kór Neskirkju Sálumessu (Requiem) eftir Gabriel Fauré í Neskirkju kl. 17. Tónleikarnir eru ókeypis.
Auk Sálumessunnar verða flutt nokkur önnur verk sem eiga við á Allra heilagra messu, þegar látinna er minnst og kerti tendruð í bænarhug. Stjórnandi kórsins er Steingrímur Þórhallsson. Einsöngvarar eru Ragnhildur D. Þórólfsdóttir sópran og Hrólfur Sæmundsson baritón. Undirleik á orgel annast Kári Þormar.
Verið hjartanlega velkomin.