Fréttir

Í janúar var kyrrðardagur í Neskirkju og þátttakendur hvöttu til að annar kyrrðardagur yrði haldinn. Og næsti kyrrðardagur verður haldinn 29. mars. Kyrrðardagur er dekurdagur fyrir sálina og öllum opinn. Dagskrá hefst kl. 10 árdegis og lýkur um kl. 15,30. Sigurður Árni Þórðarson stýrir þessum kyrrðardegi. […]

Pyotr Ilyich Tchaikovsky var tónsnillingur og samdi margbreytileg verk. Áslaug Gunnarsdóttir, píanóleikari, skýrir og spilar hluta úr Árstíðum Tchaikovskys. Fyrri hlutann flutti hún í nóvember og leikur seinni hlutann í þetta sinn. Kaffiveitingar.

Tónleikar Steingríms Þórhallssonar organista  í hádeginu á miðvikudögum halda áfram. Tónleikarnir eru tileinkaðir Bach og í vor munu Steingrímur spila kóraforspil hans, Orgelbuchlein og Leipzig kóralforspilin eða sálmaforleikir, sem að flestra mati eru tónsmíðaleg undur. N.k. miðvikudag, 19. mars, er komið að föstuforleikjum, en þar eru margir gullmolar í orgelbuchlein. Einnig verður Leipzig [...]

Söngsveitin Fílharmónía og Kór Neskirkju halda sameiginlega tónleika í Neskirkju laugardaginn 15. mars kl. 17. Efnisskráin er fjölbreytt og inniheldur verk eftir bæði íslenska og erlenda höfunda frá ýmsum tímabilum tónlistarsögunnar. Kórarnir syngja ýmist í sitthvoru lagi eða saman. Saman flytja kórarnir m.a. „Northern lights“ eftir norska tónskáldið Ola Gjeilo [...]

Messa og barnastarf kl. 11. Sameiginlegt upphaf. Félagar úr Háskólakórnum leiða safnaðarsöng. Organisti Steingrímur Þórhallsson. Dr. Sigurður Árni Þórðarson prédikar og þjónar fyrir altari. Söngur, sögur, brúður og gleði í barnastarfinu. Umsjón Ása Laufey, Katrín og Ari. Samfélag og kaffisopi á Torginu eftir messu.

Föstudagar á föstu eru saltfiskdagar í Neskirkju. Matur er fram reiddur kl. 12. Og svo verður fram að dymbilviku. Suðrænn saltfiskréttur á 1.500 krónur í hádeginu á föstudögum.

Krossgötur miðvikudaginn 12. mars kl. 13.30. Sigríður Ólafsdóttir, lífefnafræðingur. Hvað er lífefnafræði? Frumkvöðlastarf, fyrirtækjarekstur, nýsköpun. Þjóðfélagsmál, strjónmál. Kaffiveitingar.

Messa og barnastarf kl. 11. Félagar úr Kór Neskirkju leiða safnaðarsöng. Organisti Steingrímur Þórhallsson. Messuþjónar aðstoða. Sr. Örn Bárður Jónsson prédikar og þjónar fyrir altari. Söngur, sögur, brúður, leikir og gleði í barnastarfinu. Umsjón Ása Laufey, Katrín og Ari. Samfélag og léttar veitingar á Torginu eftir messu.

Við byrjum föstudaginn 7. mars og höldum áfram til 11. apríl, sem sagt 6 föstudaga af 7 á sjöviknaföstu! Sjá nánar hér:

Miðvikudaginn 5. mars verður boðið upp á grænmetissúpu (kókosmjólk, paprika, brokkolí, hvítkál, gulrætur, sætarkartöflur, laukur og hvítlaukur) í hádeginu á Kaffitorginu. Verð fyrir súpu og brauð er 900 kr. Kaffitorg Neskirkju býður upp á gæða súpur í hádeginu alla virka daga.